ରବିଭାଇ - ଓରଫ ରବୀନ୍ଦ୍ରନାଥି ଦାସଙ୍କ ସହିତ ପରିଚୟ ବିଗତ ଶତାବ୍ଦୀର ନବମ ଦଶକର ପ୍ରାରମ୍ଭରେ । ସେଇ ସମୟରେ ସଦ୍ୟ ବିଶ୍ଵବିଦ୍ୟାଳୟରୁ ବାହାରି ଆମେ କର୍ମସଂସ୍ଥାନ ଖୋଜୁଛୁ । ସାହିତ୍ୟରାଜ୍ୟରେ ନୂଆ ନୂଆ ପାଦ ଦେଇଛୁ । ସ୍ଵପ୍ନ ଦେଖୁଛୁ ।
ଠିକ୍‌ ସେତିକିବେଳେ ଜଣେ  ସ୍ନେହୀ ବଡ଼ଭାଇ ତୁଲ୍ୟ ରବିଭାଇ ଆବିର୍ଭୂତ ହୋଇଗଲେ ଜୀବନରେ । କଳ୍ପନା ଫ୍ଲାଟର ଡି-୬ ଘରଟି ଆମର ଚରାଭୂଇଁ ପାଲଟିଗଲା । ଆମେ ଡଲିଅପାଙ୍କ ସାନ ଭାଇ ହୋଇଗଲୁ । ପିକୁନ୍‌ର ମାମୁଁ । ରବିଭାଇଙ୍କ ଛୋଟ ସଂସାର ଭିତରେ ଆମ ପାଇଁ ଜାଗା ତିଆରି ହୋଇଗଲା ।
ରବି ଭାଇ ସେତେବେଳେ ପ୍ରତିଷ୍ଠିତ ନାଟ୍ୟକାର । ବିଭିନ୍ନ ପତ୍ରପତ୍ରିକାରେ ଗଳ୍ପ ଲେଖୁ ସେ ଚମତ୍କୃତ କରୁଥାଆନ୍ତି ପାଠକମାନଙ୍କୁ | ଆମେ ତାଙ୍କ ପାଖରେ ବସି, ତାଙ୍କରି ଉତ୍ସାହରେ ସାହିତ୍ୟରେ ନିଜର “ଅଆ କଖ” ଲେଖିବା ଆରମ୍ଭ କଲୁ । ମୁଁ ପିଲାଦିନେ କଟକଆକାଶବାଣୀର ଶିଶୁ ସଂସାର କାର୍ଯ୍ୟକ୍ରମରୁ ଗୋଟିଏ ଗୀତ ଶୁଣିଥାଏ । ଗୀତଟି ମୋର ଅତ୍ୟନ୍ତ ପ୍ରିୟ ଗୀତ । “ଜହ୍ନମାମୁଁ କି କହିବ ଥରେ ସରଗପୁର କଥା”  | ଥରେ ମୁଁ ସେ ଗୀତଟି ବିଷୟରେ କହିବାବେଳେ ରବି ଭାଇ କହିଲେ ଯେ, ଗୀତଟିକୁ ସେ ଲେଖିଥିଲେ | ମୁଁ ବିସ୍ମୟ ବିମୂଢ଼ ହୋଇଗଲି । ମୋର ଯାହା ଯେତିକି ମନେ ପଡ଼ୁଛି ସେ ଓଡ଼ିଆ ସିନେମାରେ ଗୀତ ବି ଲେଖିଥିଲେ । ଭଜୁଥା

ସବୁଠୁ ପ୍ରିୟ, ସବୁରି ପ୍ରିୟ, ରବିଭାଇ ଚିର ଉଜ୍ଵଳ ଆମରି ସ୍ମୃତିରେ ।